CZORNE BRELE…to je to
Łońskigo roku w lato
Jadymy nad morze?Godom moiyj ślubnyj - co
ty na to?
Roz za kedy moga zafundować
Łona rada zaczyno mje całować
Wiela my sie niy namyślali
Yno cug my łobsztalowali
Dwje srogie tasie spakowali
I w ta rajza sie wybrali
Na piykno pogoda sam my trefiyli
Co z tego jak my sie w piyrszym dniu zaros
powadzili
Połosprowiom wom jak to było
Kajindzij jak niy na plaży sie wydarziło
Na deka lygomy
Hyc jak pieron - my się łopolomy
Tukej bajlte zomki z piosku budujom
Tam karlusy w bal grajom
Łod czasu do czasu biyru se szlukna
Cygareta zakurza i do wody fukna
Roztomańtych ludzi łoglondołech
A jakie szwarne frele tam widziołech
Jedne w badyancugach, inksze cycynhaltry
pokazujom
Jeronie… ślypia same świdrujom
Te niekiere to Ponboczek noprowdy
obdarowoł
Jo yno po nich filowoł
Niych mje żodyn chłop niy nerwuje
I fulo, że baba bez kiecki go niy
szteruje
Jak moja to łoboczyła - tak mi nazdała
Pierońsko ostuda z tego zrobiyła
Cołki tydźyń my niy godali
Cicho mszo my łodprawiali
Ale łona wiy że jyj fest przaja
Niepoczebnie ta haja
Przeca kamrat mi to radził…
Żebych CZORNE BRELE na kichol wraził!!!
Kobiety, dziewczyny, żony, kochanki - dobrze wiecie - nie ma siły żeby facetowi oko nie uciekło… nie krzyczcie po nich od razu!!!
Komentarze (0)
Jeszcze nie skomentowano tego wiersza.