DELETE, czyli kawa na galotach
Siedza se przi kawie i zawiyrom oczy,
zdo mi sie tak prawie, że wonio
kołoczym,
widza te posypki, tyn syr, te okruszki,
w środku te rodzynki, że lizać
paluszki...
Tak żech sie rozmarzoł, ślinka
oblizowoł,
żech nie zauważoł, kedych wylondowoł
pyskym w klawiaturze, z kawom na
galotach,
już nie byda dłużyj siedzioł tu po
nocach.
Kuba wystraszony, wyskoczoł spod stołka
bo kawom obloty, na łeb spadła szolka,
wierszyk skasowany, niyma go, niestety,
jo nacis, zaspany, nosym na DELETE.
Komentarze (0)
Jeszcze nie skomentowano tego wiersza.