Dwa bracia
Cudne som plaże na karaibach
I te kelnerki w bikini,
Afryka cudow dużo mo chyba:
Safari, słonie, Murzini.
Piykno je nasza, staro, Europa,
Atyny, Paryż, Rzym,
Ale jo za to przeca niy moga,
Że jo tam swoji wiym:
Ref. Dycko do Ciebie chca wracać,
Dycko tukej chca żyć,
Bo my som, jak dwa bracia,
Moj Ślonsku - jo i ty.
Piyknie je nawet i we Australii,
Kaj te kangury miyszkajom,
Niech wyjyżdżajom wielcy i mali,
Jak kasy za tela majom.
Jak jo wyjada, kajś konsek dali,
Kaj lufty czyste som,
Głowa mie boli, serce mi wali
I nazod dudom gnom.
Ref. Dycko do Ciebie chca wracać...
Ślonzok familok swoj potrzebuje,
Z somsiadym musi pogodać,
Tu wiy czym dycho, tu swoj luft czuje,
Jak wyjdzie se na zegroda.
Tu mo swoj kościół, tu ojcowizna,
I tu mo tyż swoj szynk,
Chocioż niy kożdy umi sie prziznać,
to jo tam swoji wiym.
Ref. Dycko do Ciebie chca wracać...
Komentarze (4)
Ach tyn nasz Śląs kochany...śliczne wyznanie i
prawdziwe...bo tylko prawdziwy Ślązok wie jak tu
jest...:)
"Jak jo wyjada, kajś konsek dali (..)
I nazod dudom gnom" - jo tysz tak mom!!
mysle ze takie wierszowanie gwara i na ludowo to
bylaby Twoja sila...
czyli wszedzie dobrze, a.....Chetnie czytam wiersze w
slaskiej gwarze, zakorzenila sie we mnie ta godka