Fraszki po śląsku nie tylko te...

Tak sie zagapiła

Chodziła po plaży
jak paniczka w mieście
wto wiy co sie marzi
tej modej niewieście
na cudzego chopa fest sie zagapiła
dostałą łod ślubnej tak że w pioch zaryła

Chciała sie łopolić

Łopolić się chciała
cołkiym na bronotno
teraz bydzie miała
utropa sromotno
Aptyka daleko a fest sie spoliła
kiszkom kwaśnym mlykiym bydzie sie lyczyła

Wrocili we troje

Pojechali na wywczasy
yno w dwoje małolaty
coż kej taki momy czasy
niy trza zgody mamy taty
Nazot wrocili we troje gańba na cołko wieś bydzie
na nic łojcowe lamynty za niedłogo wnuk przibydzie

Niy chciała

Gowiydź na weseli
muter ji chowała
psinco bydom mieli
kiej dziołcha niy chciała
Weseli w lokalu downo zamówiła
sztebdeka zegłowki w markecie kupiła

Gynsipympek czy stokrotka

Gynsipympek czy stokrotka
jednako we zocy momy
a co miano mo do kwiotka
kej ło tym samym godomy
Chcesz mieć piyknie wele siebie nie srywej gryfnej stokrotki
łostow tyż i gynsipympek kej to wszystki nasze kwiotki


Łod tego zdrowio mieć niy bydymy

Tracom sie pszczoły
miodu niy bydzie
kaj ule stoły
tam market przidzie
Pyrskani chymijo jakiś enzymy
łod tego zdrowio mieć niy bydymy


Swoja kapsa pasie

Ptoki tracom pióra
a my kudły s gowy
dytyrgyntow fora
przebroł hasiok nowy
Ludkowie kochani padnymy w marasie
kiej niejedyn „Mondry” swoja kapsa pasie

Niy ujrzy

Stromy w betonie
to go niy boli
bo łon pieronie
co nowe woli
I choćby gały wytrzeszczoł troszka
na sztucznej palmie niy ujrzy ptoszka

widzę że jedni maja trudności z odczytaniem a to znaczenie niektórych wyrazów
gańba wstyd
psinco nic
paniczka dama damulka
gowiydź ptactwo domowe
muter mama
sztebdeka kołdra
zegłowki poduszki
gynsipympek stokrotka
w zocy w poważaniu
kiszka zsiadłe mleko
kapsa kieszeń
kudły włosy
hasiok śmietnik
stromy drzewa
sromotno okrutno
maras błoto

autor

renia

Napisany: 2014-08-09 Dodano: 2017-08-09 09:37:23

Ten wiersz przeczytano 1104 razy

Oddanych głosów: 6

Rodzaj Rymowany Klimat Wesoły Tematyka Na dzień dobry

Aby zagłosować zaloguj się w serwisie