Godka z Bogym (Filozofia po...
Jo – robok malućki,
Głos wznosza do nieba,
Że sprawiedliwości,
Wiyncyj nom potrzeba.
Jednym dołeś widzieć,
Krzoki gorejonce,
Łotwiyrosz im morze,
Gnosz na gorke słońce.
Inkszy zaś ze szlojdra,
Goliata zabijo,
Łon take chucherko,
Tamtyn beskurcyjo.
Noe na Twoj rozkaz
Arka przirychtowoł,
Jak dyszczyk pokropiył,
Bydlynta tam schowoł.
Ryb nachytać umiysz,
Połazisz po wodzie,
Cudow pora dziwnych,
Zawdy mosz w odwodzie.
A co nom pokożesz?
Ino krziż na ścianie,
Downij to się dzioło!
Dziś nic sie niy stanie.
Że czasym ftoś zwontpi,
Jak się tu nie dziwać?
We wszystko mom wierzyć,
I jak Żyd sie kiwać?
Jak tym niydowiarkom,
Pokozać, żeś z nami,
Kiej śpisz na ołtorzu,
Miyndzy świycnikami!
Choć jo niy jest Tomasz,
Stanołbyś na drodze,
Gizdom doł po gymbie,
Poturbowoł srodze.
Mie, co Cie wychwolom,
I gowa mom siwo,
Kapnij do pynzyji,
Dyć to małe piwo!
Komentarze (4)
spędziłem troche czasu na sląsku za pomysł +
Fajnie po naszymu,gratuluja
ładnie napisany wiersz w gwarze gratuluję
Ładnie swojo gadko pognołeś po banda.
Tero Rydzyk może z tego zrobić granda.
Gratuluje wprowadziłeś coś nowego.