Grabowino
Grabowino, z lot młodości, co zostało z
tamtych czasów,
z lot dzieciyncych, lot radości, z tych
wonioncych majym lasow,
kaj skokali my po stromach, grziby zbiyrali
koszami...
Grabowino, z naszych wspomniyń, o
Waldwizie, o Potoku,
żol tak wszystkigo ogromnie, aż sie płaczki
szklom we oku,
śladu niyma już po domach, pola zarosły
chaszczami...
Grabowino zapomniano, gruba żywot ci
zabrała,
szaroś, czornoś, zaniedbano, ale w sercuś
mi została,
w głowie, we starych albumach, żyjesz moimi
myślami...
Grabowino, ojcow naszych, dycko ciepło o
Cia wspomnia,
wiela dlo nos ziymio znaczysz, dycko głowa
nisko skłonia,
porzykom w rodzinnych stronach, nad
ojcowskimi grobami..
Komentarze (1)
wspomnień moc w rodzinnych stronach, zawsze sercu miłe
one.