Hanek a Gryjtka

Wiersz Jana Brzechwy pt" Jaś i Małgosia" przerobiony po naszymy, czyli po ślonsku.(fragment)

Narrator:
Posłóchejcie sam, po naszymu,
Tej starej bojki - do rymu.
Jo ta bojka, słowo w słowo,
Sóm przerobiył Wóm, na nowo.
Chocioż pómóg mi w tym z leksza,
Jedyn pisorz - Jasio Brzechwa.

Jak jóm znocie, poczytejcie,
Jak niy znocie - pozór dejcie.
A było tymu tak:
Do małej chałupki,
Daleko od inkszych ludzi,
Ze swojóm familijóm
Feszter sie przikludziył.
Miyszkoł tam tyn feszter,
Mioł swoja babeczka,
I - jak to we bojkach bywo jeszcze -
Mieli tyż dwa dziecka.
We waszym wieku, mniyj wiyncy,
A reszta, we swojim słowie,
Pieśniczka wóm opowiy:

Hanek:
My miyszkómy w dómku w lesie.

Razym:
Trala-lala, trala-la.

Gryjtka:
I dycko nóm świywać chce sie,
Trala-lala, trala-la.

Hanek:
Nasze miana:
Hanek, Gryjtka.

Gryjtka:
Tata, mama,
Hanek, Gryjtka.

Razym:
Fest przajymy se,
A śpiywómy se,
Tralala-la.

Mama:
Dziecióntka moji, śpiywocie piyknie,
Już je połednie, na razie styknie.
Tata czeko na obiod w lesie,
Gryjtka mu dzisiej zaniesie.

Gryjtka:
Pójdymy z Hankiym we dwoje,
Bo jo sie troszyczka boja.

Hanek:
Czamu posywosz jóm sama?
Jo pójda ze Gryjtkóm , mamo.

Mama:
A kery mie sam pómoże?
Kto pozamiato na dworze?
Kto kaczkóm kotyk otworzi?
Nó, dobrze już. Tym razym
Możecie jeszcze iś razym.
To niy ma za daleko,
A siatka mocie doś leko:
Trocha wósztu i chleba.
Yno nie patrzcie zabawy,
Bo wartko ciepłej kawy
Tatowi zaniyś trzeba.

Hanek:
Już lecymy, niy ma sprawy.
Zaniesymy tatowi kawy.
(...)

Zainteresowanych całością wiersza proszę o kontakt

autor

stan09

Napisany: 2008-01-10 Dodano: 2008-01-11 09:26:39

Ten wiersz przeczytano 864 razy

Oddanych głosów: 4

Rodzaj Rymowany Klimat Wesoły Tematyka Dla dzieci

Aby zagłosować zaloguj się w serwisie