Historia o losie złym

Kajś, wśrod grubskich kuminow,
historia toczy sie ta,
chłopa ona wspomino,
co przijaciela mo psa.
Roboty downo niymo,
kanały służom za dom,
piosnka ta przipomino,
los bezdomnego nom.

Ref. Pieśn o zbiyraczu złomu,
co kupić wino chce,
on niymo downo komu
zaśpiywać pieśni tej.

Kedyś inaczyj było,
teraz samotny jest,
życi ich połonczyło -
bezdomny człowiek i pies.
Niedola ich złonczyła,
niy majom tu z czego żyć,
gruba kopać skończyła,
chłop zaczon w końcu pić.

Ref. Pieść o losie człowieka
o jednym spośród nas.
Co w życiu kogo czeko,
co nom prziniesie czas?

Jak widzisz bezdomnego,
co zbiyro w hasioku złom,
westchnij na dola jego
i raduj sie, że mosz dom.
Nie kożdy to je złodziyj,
bezdomny tyż honor mo,
kromkom chleba sie podziel,
żeby se tyż co zjod.

Ref. Pieśń o drugim człowieku,
co żyje ze swym psym.
Czas już kończyć po leku,
historia o losie złym...

autor

stan09

Napisany: 2007-08-24 Dodano: 2007-08-25 00:07:01

Ten wiersz przeczytano 464 razy

Oddanych głosów: 3

Rodzaj Rymowany Klimat Smutny Tematyka Życie

Aby zagłosować zaloguj się w serwisie