Jajka
W kalyndorzu momy kwiyciyń,
kwitnie wszystko, w lesie, w parku.
Co to znaczy, ludzie, wiycie?
Dyć Wielkanoc je na karku!
Post sie kończy, idom świynta,
trza piyc babki i baranki,
o sikowkach trza pamiyntać,
warzić jajka na pisanki.
Przidzie synek po śmierguście,
ty sie dziołszko niy mosz chować,
chocioż zmokniesz, to zaś uschniesz,
a tradycje trza zachować.
Tu dostanie wypić sznapsa,
tam go poczynstujom kawom,
jajek mo już cało kapsa,
dzielom ich na lewo, prawo.
Toż zrozumcie baby też,
lepszy niech se chłop wypije,
jakby mioł te jajka zjeść,
cholesterol go zabije.
Komentarze (0)
Jeszcze nie skomentowano tego wiersza.