Kołocz śląski (Kołoc ślonski)
Do miski wciepnij sionyj monki font,
Dej cukier, drożdże, mlyko i w kont,
Kaś blisko pieca, niych cie niy kusi
Przeciongi robić - ciepło być musi.
Jak drożdże bydom dobrze gerować,
Pod rynkom blisko mosz przirychtować,
Cukier, solniczka, dwa całe jajka,
By smak cudowny mioł kieby bajka.
Gornuszek mlyka szykuj sie chnet,
A w drugim roztop leciutko fet,
Nojpiyrw wlyj mlyko, masa zrob gynsto,
Potym dej masła i miyszej czynsto.
Ciasto na blacha delkatnie wyłoż,
W kuchni do pieca wongla fol prziłoż,
Na wiyrch kołoca posypki buły,
Do gorkij wroź go zaroz bradruły.
Niych sie zbronoci, piyknie powoli,
Ciyngiym uważej, bo sie przipoli,
Wonio juz wszyndzie, wyciongej blacha,
Zważej dyć gorke i przestoń klachać!
Teroz już mogom goście posiodać,
Wypic bonkawa i kołoc zjodać,
Jak świat szyroki, a przełyk wonski,
Lepszego ni ma, jak kołoc ślonski!
Komentarze (0)
Jeszcze nie skomentowano tego wiersza.