Kot we szczewikach
Wiersz J.Brzechwy pt"Kot w Butach" przetłumaczony po naszymu. /Fragment/
Janek:
Biydny żech je siyrota,
Som tu na świecie tym,
Ty, bracie, dostoł żeś młyn,
A jo żech dostoł kota,
Dostoł żech kota we spadku
I umrza w niydostatku.
Brat:
Idż, Janku, ruszej w droga
I bier swojigo kota,
Jo pomoc ci niy moga,
Mie czeko tu robota,
Mleć musza monka żarnym,
Z ciebie pożytek marny,
Mie ani niy wypado,
Dować jeść darmozjadom.
Bratowa:
Idź se, bo żeś je nyndzorz.
Janek:
Kej mie stond tak wypyndzosz,
Niy byda wom zawadzoł.
Bratowa:
Niy przichodź wiyncy nazod,
Bo mieć takigo brata
To yno dlo nos strata.
A weź ta sucho żymła,
Byś o nas źle niy godoł.
Janek:
Dziynkuja, zaroz wynda,
Podź, kocie, przed sia drogom.
Pojdymy drożkom polnom,
Tu zostać nom niy wolno.
Niy mom srebra, ani złota,
Ale niy chca w życiu zmian,
Bo kto mo swojigo kota,
Tyn je som dlo siebie pan.
Wszystko w lot
Miau-miau
Chyto kot
Miau-miau
Co za kot
Miau-miau
Że aż szok
Miau-miau
Jak sie z kotem zaprzijaźnia,
Już niy byda czuł sie som.
Z przocielym żyć jest raźniyj,
Weseli czas płynie nom.
(...)
Komentarze (0)
Jeszcze nie skomentowano tego wiersza.