Ło łosiołku kieryn chcioł być...
bajka w gwarze śląskiej
Wele Betlejym we starej szopie
miyszkoł s bydełkiym łosiołek mały
i tak jak wszyjscy mioł tyż marzynie
żeby podziwioł go kejś świat cały
Niemrawy taki i niypozorny
chcioł żeby insi go w zocy mieli
- Trza mi sie uczyć furgać a wtedy
wszyjscy już bydom ło mje wiedzieli
A że boł łosłym toż niy poradzioł
furgać jak ptoki na nic starani
pszeca kopytka mo a niy krzidła
i tak do końca świata łostanie
-Terazki musza łostać śpiywokiym
wczas rano puda kaj pastuszkowie
pasajom łowce zaśpiywom s nimi
a śpiywać umia kożdy to powiy
Choć ćwiczoł łosioł calutki ranek
i po wieczerzy aż kajś do ćmoka
bez to śpiywani boznujom s niego
że zamiast talyntu dostowo ptoka
Toż prziszoł nazot do swoji szopy
zmochany rykiym usnoł na sianie
kiedy sie zbudzioł przeciyro gały
bo widzi bajtla i słyszy grani
-Śnik to naprowda czy mi sie zdowo
co to za gowiydź i wiela tego
jakiś geszynki jakiś klynkani
to wszystko skuli bajtla małego
Widza że w zocy wielki go majom
szkoda że dlo mje niy je szkryflano
nie byda gorszym jak sie pokłonia
co lepsze zegna przed nim kolano
Tyn bajtel bydzie kiedyś Paniskiym
coż ...zowiść ludzko niy mo granicy
bezmała Herod co rzondzioł państwym
na śmierć małego dziyciontka liczy
A że nie wiedzioł kieryn to bajtel
łobejmie po nim tron we prziszłości
toż kozoł zabić malutki synki
żeby dać upust łoszkliwej złości
A kiedy doszły do szopy wieści
ło rzeźli jaki tyn gizd zgotowoł
przbrany Łojciec bajtla z stajynki
droga ucieczki już prziszykowoł
-Niy byda siedzioł po darymnicy
muszą Wom pomoc Zefliku miły
ładuj na moj grzbiet bajtla s mamulkom,
zaryczoł łosioł ze cołki siły
Uciekać musisz życi ważniejsze
a dłogo droga niy straszno pszeca
mom siły tela że przez te pioski
hań do Egiptu drapko pszeleca
I tak rajzowoł łosioł bez miasta
bez miedze i wsie we dnie i nocy
bo pojon biydok że to co robi
to pomoc kiero dlo inszych w zocy
znaczenie niektórych wyrazów w zocy
w poważaniu
trza trzeba
starani staranie
pszeca przecież
puda pujdę
wieczerzo kolacja
ćmok ciemno
boznować żartować
nazot z powrotem
zmochany zmęczony
gały oczy
bajtel maluch
śnik sen
geszynki prezenty
łoszkliwo brzydko
po darymnicy daremnie
hań tam
drapko pędem
18.12.2016r.
Komentarze (3)
Ślicznie tak w gwarze
w końcu osiołkowi udało się odegrać najważniejszą rolę
życia.
Miło było przeczytać tę gwarową opowieść, o osiołku
któremu udało się odegrać istotną rolę:) Miłego
wieczoru.