Marzynia

Jak byda kedy bogaty,
Byda już na pynzyji,
Bez Ślonsk byda wandrowoł
I byda groł na cyji.

Byda wszystkim rozprowioł,
Jak to downi bywało,
Jak sie siodało przed laubom,
Przi piwku w szkata sie grało.

Na cyji byda przigrywoł,
Pieśniczki od starzika,
O starym Ślonsku bojoł,
Lepszy niż we kronikach.

Na miedzka wygodnie siedna,
Pod staro brzozka, w ciyniu
I downy Ślonsk powroci
na chwila, we wspomniyniu.

autor

stan09

Napisany: 2007-01-06 Dodano: 2007-01-06 14:02:05

Ten wiersz przeczytano 509 razy

Oddanych głosów: 4

Rodzaj Rymowany Klimat Obojętny Tematyka Życie

Aby zagłosować zaloguj się w serwisie