Pamiyntej o tym

Chocioż Cie życi wysłało w świat
i kilometrow dzieli Cie szmat,
Pamiyntej o tym...

Czy w Ameryce, w Niymcach, czy w Rusi,
dobrym człowiekiym dycko być musisz,
boś je Ślonzokiym...

Czy Ci sie w życiu dobrze ukłodo,
czy los Ci czasym noga podkłodo
i mosz kłopoty....

Chocioż niy zawsze som złote gory
i tyż na niebie som czasym chmury,
chyć sie roboty....

Bo Tyś to z mlykiym matki wycyckoł
i w sercu siedzieć bydzie Ci dycko,
żeś je Ślonzokiym...

Bo tyś je twardy jak wonglo bryła,
i do roboty mosz wielko siyła,
yno... zostoń Ślonzokiym.

autor

stan09

Napisany: 2007-06-23 Dodano: 2007-06-23 18:21:16

Ten wiersz przeczytano 530 razy

Oddanych głosów: 4

Rodzaj Rymowany Klimat Obojętny Tematyka Życie

Aby zagłosować zaloguj się w serwisie