Pies i wesz
Jeśli przeciwnika nie możesz pokonać, to naucz się poprostu z nim żyć
Przi budzie szczeko pies
i wyszczyrzo swoji kły,
bo go w kark ugryzła wesz,
i on na nia jest fest zły.
Dropie pies po karku łapom,
wesz pod parza sie schowała
i ugryzła go pod parzom,
jakby sie z nim bawić chciała.
Pies podropoł sie pod parzom,
wesz uciykła mu na brzuch,
tak tom łapom ostro machoł,
aż od tego cały spuch.
Wesz uciykła mu pod ogon,
pies sie dropie z kożdej strony,
byda żył już w zgodzie z tobom,
nie chca dropać pod łogonym
Komentarze (0)
Jeszcze nie skomentowano tego wiersza.