PONBOCZEK SIE NARODZIŁ?
W kożdym sklepie ludzi raja
Jak sie wciśniesz bydzie haja
Noszom jodła srogie nece, mamulka, tatulek
Coby na Gody zdonżyli, nawet synulek
Jes karp smażony i wyndzony
Bimber ujka na śliwkach pendzony
Jakoś kaczka, gynś abo rolady
Cosik inkszego na łobiady
Potym szpajza: makówki, roztomajte
bombony
Liter gorzołki, świyże makrony
Maszkecom łod rana do nocy
Kiej bas fol…to wołajom pomocy
Fest wynokwiajom z gyszynkami
Bezto ratujom sie pożyczkami
Tym rychtowaniym zmynczoni
Cołki świynta na szeslongu leżom łoni
Dej mi pokoj! Niy byda o gowa zachodził
Przeca Ponboczek niy po to sie narodził?
Wesołych Świąt:):):)
Komentarze (0)
Jeszcze nie skomentowano tego wiersza.