Somsiad na bani

było dla dzieci o ufoludkach a teraz coś dla dorosłych zwłaszcza tych którzy nadużywają napojów wysokoprocentowych jedni widzą białe myszki a jedni ufo

We wieczor na plac somsiada
cojśik jak rakieta spadło,
zazgrzitało ,zagwizdało
i z hukiym na trowa siadło.

Ni rakieta ,ni to talyrz,
dokładnie żodyn nie powiy,
a ze strachu somsiadowi
kudły stanyły na gowie.

Ponoć wyszły z tyj rakiety
jakiś stworki ufoludki,
jedyn wielki,drugi mały,
a tyn trzeci fest malutki.

Ni widziołech i ni powiym,
że cołkiym zielone były,
za to przeca somsiad widzioł
jak ze studnie woda piły.

Potym poleciały na plac,
jabka ze stroma serwały,
schowały ji w pokieltasza
i wte pyndy łodleciały.

Moj somsiedzie podejrzywom,
żeś ty boł na bani wczora,
bez to widziołeś te ludki
cołkiym zielone z wieczora.

A terozki przed swom ślubnom
mosz strach,trzynsiesz galotami
że po puklu dostać możesz
bo to tak już je z babami.

a jak by kto nie wiedział
galoty spodnie
pukieltasza tornister plecak
serwały zrywały
pukiel plecy

autor

renia

Dodano: 2007-01-15 08:01:06

Ten wiersz przeczytano 1063 razy

Oddanych głosów: 8

Rodzaj Rymowany Klimat Pesymistyczny Tematyka Życie

Aby zagłosować zaloguj się w serwisie