Stary krziż

Stoi przi drodze krziż stary,
a pod nim świyże kwiotka,
oznaka ojcow naszych wiary,
piyknie je widok taki spotkać.

To je tradycjo naszych przodkow
i trzeba dali to szanować
na rowni z naszom, ślonskom godkom,
pod krziżym skłonić nisko głowa.

Niykedy warto stanyć przi kaplicy,
pomyśleć o latach minionych,
spomnieć o ludziach z okolicy,
tragediach nieodgodnionych.

Tam nasze ojce, starziki,
o tyn ślonsk krew przeloli,
a teraz te pomniki
niszczejom, że serce boli.

Dużo jest takich przikładow
przi drogach, polach, lasach,
oby niy myni śladow
zostało po naszych czasach.

Teraz momy wolność,
nie trzeba krwie przelywać,
ale tym bardziyj nie wolno
historie z pamiynci wyrywać.

autor

stan09

Napisany: 2006-09-26 Dodano: 2006-09-26 12:05:32

Ten wiersz przeczytano 472 razy

Oddanych głosów: 6

Rodzaj Rymowany Klimat Obojętny Tematyka Życie

Aby zagłosować zaloguj się w serwisie