Gardina a ôkno

Wisi gardina we ôknie
A boji sie, że zmoknie.
Ôkno strzaskano mo szyba,
Chachary wybiyły jōm chyba,
Tōż sie gardina tyż boji,
Że w ôknie niy ôbstoji,
Pomału ze gardinsztangi
Zaczyno ôdpinać już szpangi,
A ôkno jōm prosi: - Gardino,
Jo przeca szyby już niy mōm,
Ty chocioż ôstōń przi mie,
Bo kery wiater zatrzimie?
- Jo sama wiatru niy chyca,
Boch je dziurawo przeca,
Dyć sam ôstana, a koża
Zamōwić szyba u szklorza.


gardina - firana
chachary - łobuzy
gardinsztanga - karnisz
szpangi - żabki

Wiersz dla dzieci w języku śląskim

autor

stan09

Napisany: 2020-08-03 Dodano: 2022-09-21 12:04:10

Ten wiersz przeczytano 1202 razy

Oddanych głosów: 5

Rodzaj Rymowany Klimat Refleksyjny Tematyka Dla dzieci

Aby zagłosować zaloguj się w serwisie