Gupio koza
Dzisiej ô kozie
Zgroza. Jedna koza
Niy chciała sie z krowōm
Podzielić trowōm,
Bo narzyko, że ji niy styko
Trowy na mlyko.
Krowa jōm bodła, aże sie znodła
We chlywiku. Wiela kwiku
Było przi tymu! Czymu?
Bo jōm wieprzek z kopyta
Odegnoł od koryta.
Myśli, że przyndzie ku kurōm,
Ku grzyndzie, dziurōm.
Dyć jōm kokot na tym dopot
I po krziżu piere. Biere
Szłapy za pas, głodno cały czas.
Kaczora mijo z daleka,
Bo wczora z leka
Skrzidła jego poczuła.
Z gōnsiorym układy popsuła,
Tōż szkubać przi nich ni mōgła,
Bo kedyś pilynta pobōdła.
Koło parzoka trefiła pultoka.
Tyn ji pokozoł, co zrobić z kozōm.
Tak zabulgotoł, aże przi wrotach
Sie znodła. Głodno.
A mōgła z krowōm
Podzielić sie tōm trowōm.
Wiersz dla dzieci w języku śląskim
Komentarze (5)
niektóre słówka kolego proszą się o słowniczek...
gwara śląska nie jest taka łatwa
Wydałem nawet dwie książki i już się chyba rozeszły.
Może "Bojki Fojermana" można jeszcze gdzieś kupić. A
czytać można na stronie Giskana Fojermana
(www.fojerman.pl)
jesteś fantastyczny Stanie,
mam nadzieję że kiążkę z wierszami wydosz!!
Głos i szacu Bracie.
Super wiersz :)
no mogła. (Ale fajny wierszyk!)