Na skrzidłach
Jak piykne som marzynia,
Mimo tych mgieł i burz,
Jo marzyń swoich niy zmiynia,
Bo jo im przaja i już!
Poleca z nimi we chmury,
Na skrzidłach, jak szmaterlok,
Rozsypia, jak gwiozdki z gory
I spełniom sie napewno.
Jedne marzyni zatrzimia,
W sercu skryja go na dnie,
Choć wroca z nim na ziymia
Żodyn go niy ukradnie ...
Bydzie tam drzymać wygodnie,
W błogim pokoju i ciszy,
Aż kedyś go odgodniesz,
Wołani serca usłyszysz.
przaja - kocham szmaterlok - motyl
Komentarze (0)
Jeszcze nie skomentowano tego wiersza.