Siyrotka
Wiersz Jana Brzechwy "Kopciuszek" przetłumaczony na gwarę śląska /fragment/
Fest downo, możno przed wiekiym,
Przed dwiyma wiekami, abo trzyma,
W jednym krolestwie dalekim,
Kerego dzisiej już niy ma
I nie idzie go znojść na mapach,
Miyszkała wdowa bogato.
A tako była bogato,
Że spała w złotych szatach,
Pierziny miała prane ze szkrobkiym,
A pod głowom trzi zegłowki.
Miała trzi krowy, trzi kozy,
Trzi konie i trzi powozy,
A do tego dwie cery brzidki,
Kerym fest przoła wszystkim,
I jeszcze jedna - siyrota,
Co ji najgorszo dowała robota,
Tako fest zmazano.
Dwie cery brzidki co rano,
Wylygujom sie w łożku,
A Macocha siyroty poganio:
Macocha:
Siyrotko, roboty sie chytej ostro,
Śniodani prziniyś siostrom
I rob tak, jak ci gotom,
Umyj talyrze ciepłom wodom,
Ogiyń zrob w piecu i wymiyć sadza,
Yno sie śpiychej, dobrze ci radza!
Nanoś mi drzewa z dworu,
Garce w kuchni wyszoruj,
I pozamiatej, jo tego niy zrobia,
A cery niy majom zdrowia
I szkoda na to mojij godki,
Rusz sie. To je robota prawie do Siyrotki
I tak została dziołszka Siyrotkom
I przi robocie płakała se słodko,
Szorowała, harowała.
I przi tymu cichutko śpiywała:
Siyrotka:
Płynie płynie woda,
Płynie tak, jak co dziyń,
Jo je przeca młodo,
To sie przejrza w wodzie!
Niech mi powiy woda,
Czy jo je urodno,
Czy we wodzie widać mie,
czy to żech je jo, czy niy?
Wezna wody z rzyki
Gymba se umyja,
Bo jo cołki życi,
Jak Siyrotka żyja.
Niech mi powiy woda,
Czy jo je urodno,
Czy we wodzie widać mie,
Czy to żech je jo, czy niy?
Zainteresowanych całością wiersza proszę o kontakt osobisty.
Komentarze (0)
Jeszcze nie skomentowano tego wiersza.