Stare zdjyncia

Jak tak przeglondom kartki albumu
I siebie widza na starych zdjynciach,
To powracajom te downe czasy
I do nich siyngom swojom pamiynciom.

Fuzbal sie grało kajś po bosoku,
Na polu, łonce, abo pod lasym,
"Sporty" kurziło sie przi hasioku,
Piwko wypiło z kumplami czasym.

Porzondny Ślonzok wszystko sprobuje,
Gorolom chaji tyż nie przepuści,
Z dziołszkom pobawi sie na muzyce,
W polu poprzaje ji, we kapuście.

Teraz minyły czasy młodości,
Choć na zabawa byłyby chynci,
Łyso je głowa i łomiom kości,
Toż pozostało te stare zdjynci.

autor

stan09

Napisany: 2007-02-06 Dodano: 2007-02-08 14:39:21

Ten wiersz przeczytano 540 razy

Oddanych głosów: 7

Rodzaj Rymowany Klimat Obojętny Tematyka Życie

Aby zagłosować zaloguj się w serwisie