Tōmaty w łaty
W jednej zegrodzie roz sie tōmaty,
Skuli nowej mody, ôpoliły w łaty,
W zielōne groszki na swojich skōrkach.
Dyć ich zejrzała potym ôgōrka,
Znano wszyskim tradycjōnalistka.
Aż sie ji z gańby poswijały listka.
– Kōniec świata! Rany Boski!
Tōmaty w groszki.
Jak usłyszała te cuda radiska,
Tyż se musiała ôbejrzeć to z bliska,
Bo plotkōm przeca niy chciała dać wiary.
Czy to je prowda, abo jaki czary?
Ôd radiski słyszy ô łatach pietruszka,
Tōż przekozała marekwi do uszka,
Co rosła na grzōndce przi płocie,
Kajś z lewej strōny, przi szałocie.
Tyn zaś kapuście ôpowiedzioł trocha,
Aż cało sprawa doszła już do grocha.
Ôn nic niy wiedzioł, bo rōs kole łōnki,
Tōż mu aż ze złości popukały strōnki:
– Co to za mody! Bez mojij zgody,
Tōmaty w groszkach? Skrōmności troszka!
Tōmatōm sie z gańby gupot ôdechciało.
I sie na czerwiōno ôpoliły cało.
Wiersz dla dzieci w języku śląskim
stan09
Komentarze (5)
Z uśmiechem :)
Stan, radości Ty moja!
Pisz, pisz, dużo pisz.
Cudnych pomidorków i wszelkiego innego dobra Ci życzę
Stan Tyś Król tego forum.
Fantastyczne.
Mój szacun i głos jest twój.
zawsze.
z przyjemnością czytam.
Ten i inne moje wiersze można znaleźć na stronie
Giskana Fojermana - www.fojerman.pl