Chlyb łod sztajgra
Łociec zmynczony prziszeł z roboty,
Doczkać niy mogły w doma honcwoty,
Patrzały kedy z tasie wysunie,
Sznitka ze smalcym w tustyj
„Trybunie”.
Na chlyb łod sztajgra bajtle czekały,
Z głośnym mlaskaniym gibko zjodały,
Tyn chlyb co w doma, niydobry wcale,
Choć do popicio som kakałszale.
Co obce lepsze, downo to wiymy,
Własnym gardzymy, cudze chwolymy,
Dzieciom sie wcale dziwić niy trzeba,
Czy jest coś lepsze niż kromka chleba?
Komentarze (1)
Slasko prowda,jo zawsze czekol na tyn chlyb lod
sztajgra,jak dziadek przychodzil z roboty.Na piecu
tysz w gorcku stola kawa (zbozowa) do zapicio.Fajne
wspomnienia