Wiersze SERWIS MIŁOŚNIKÓW POEZJI GRUPA AUTORÓW BEJ

logowanie
Zaloguj
Nie pamiętasz hasła?
Szukaj

Sojka, stroka a kawka

Dzieciom po ślasku

Chciała roz jedna sojka do kupy ze strokōm
Bojka ôpedzieć inkszym ptokōm.
Tōż posiodali wszyscy radzi,
Na asty, na masty, kaj kery poradzi,
A słōchajōm.
I jedyn zajōnc
Pod miedzōm nastawio ucho
A słōcho.
Wszyscy cicho siedzōm.
Cōż im to ôpedzōm
Ta sojka ze strokōm?
A sojka zaczła tak:
- Bojka ta
Znōm ôd starzika,
Co siodali dycko na szpica
Na staro sośniczka,
A ze wielkōm grajfkōm,
W dziubie ze fajfkōm
Śpiywali pieśniczka.
A ô czym śpiywali?
Jutro pobojōm wōm dalij,
Bo dzisiej je żech zmochano.
Skōńczymy jutro rano,
Tōż wszystkich zaproszōm,
Jo, sojka, ze kamratkōm strokōm.
I ôdfurgały, stroka a sojka, do kawki,
Na lauba, napić sie kawki,.
Trefiōł zech ich roz prawie,
Tak klachać przi tej kawie,
Jak kawka po łepie sie klupie:
- Te ptoki sōm taki gupie,
A wierzōm, że im sojka,
Skōńczy kedy ta bojka.
A co sam robi ta stroka?
Poskrzeczy roz za czas trocha,
Bo ôna wiy ô tym mi sie zdo,
Że sojka tej bojki niy zno.

autor

stan09

Dodano: 2022-09-10 13:59:35
Ten wiersz przeczytano 1061 razy
Oddanych głosów: 5
Rodzaj Rymowany Klimat Wesoły Tematyka Dla dzieci
Aby zagłosować zaloguj się w serwisie
zaloguj się aby dodać komentarz »

Komentarze (4)

ula buszek ula buszek

Przyznam, że nie rozumiem wszystkich słów, ale to nie
ma znaczenia.
Jesteś zupełnie wyjątkowy.
Piątka :)

Annna2 Annna2

Super bardzo.

anna anna

z uśmiechem czytam.

jobo jobo

Stan, uwielbiam Cię
wydaj ksiązkę ,szybko
mój głos i szacun jest twój

Dodaj swój wiersz

Ostatnie komentarze

Wiersze znanych

Adam Mickiewicz Franciszek Karpiński
Juliusz Słowacki Wisława Szymborska
Leopold Staff Konstanty Ildefons Gałczyński
Adam Asnyk Krzysztof Kamil Baczyński
Halina Poświatowska Jan Lechoń
Tadeusz Borowski Jan Brzechwa
Czesław Miłosz Kazimierz Przerwa-Tetmajer

więcej »

Autorzy na topie

kazap

anna

Ola

AMOR1988

aTOMash

Bella Jagódka


więcej »