Swada po ślonsku
Rano stowom i niy wierza
swoj dziób uzaśki otwiyrosz
babo przestoń już ni moga
ty go nigdy niy zawiyrosz
Je żeś pyskato jak żodno
jakiś dioboł siedzi w ciebie
łobiecałaś mi przed ślubym
-sy mnom bydziesz mioł jak w niebie-
Już niy strzimja czarownico
weź se mietła leć do nieba
mom cie już po dziurki w nosie
taki baby mi niy trzeba
Kiedyś była gryfno dziołszka
co teraz s tego łostało
szkuty stojom klajd spaprany
piynyndzy mosz dycki mało
Kaj śniodani a kaj łobiod
niy godom już ło swaczynie
jo wypruwom s siebie żyły
a ty gnijesz we pierzinie
Tyś zapomnioł gupieloku
jak żeś chodzioł na zolyty
godołeś mi mój dziubeczku
zjym cie jako te maszkiety
Teraz już mom doś użyry
jo ni ma służonco twoja
choćbyś ryczoł giździe jedyn
jo cie sie wcale niy boja
Puda zaroz do mamulki
kufry już mom spakowane
a ty łostoń som pierniku
u mje mosz już przerombane
Łopamiyntej sie babeczko
jo yno boznowoł przeca
leż se jeszcze s poł godzinki
zaroz ci po kawka leca
Komentarze (6)
Reniu chylę czoła przed twoim wierszem
pisanym Śląska gwarą
Jak to jest z tymi chłopami
nie ruszają prawie łbami
jak w piwnicy to jest panem
powiem nawet że ułanem
a jak stanie znów przed babą
to słów w gębie zapomina
jak to wszystko jest możliwe?
Gdzie tkwi haczyk?
Czyżby seksapilu wina?
Pozdrawiam serdecznie
a oto znaczenie niektórych słów
szkuty włosy
klajd suknia
swaczyna kolacja
maszkiety słodycze
uzaśki znowu
zolyty randki
gryfno ładna
Świetny. Dzięki za uśmiech. Proszę o wyjaśnienie słów:
"szkuty", "klajd", "swaczyna" i "maszkiet".
Miłego dnia.
Super! Wszystko skumałam, tylko " uzaśki" nie.
Biedne chłopisko z taką leniwą babą:))))))))
Można w nim utonąć.