Idzie uślimtano jesiyń
wiersz w gwarze śląskiej
Minyło lato gorki i suche
jak biczym sczeloł minoł już wrzesiyń
dni coroz krotsze noce chłodniejsze
wszystko sie miyni za kwila jesiyń
Po miedzy smyczy sie babi lato
miejsca na nocleg zmochane szuko
rade by zdonżyć przed piyrszym mrozym
kej jeszcze klara ze wiyrchu kuko
Zaspane rano szczybnym szlajerym
pokryło łonki i mami łoczy
we lasach wiater zamatloł stromom
szczerniałe i suche asty warkoczy
Kurze s fojery tlom sie lyniwie
ciynżki jak łołow snujom po ziymi
sine chmurzyska przikryły niebo
widać pogoda sie bydzie miynić
Zowistny wiater szuści i gwiżdże
targo słonecznik pod starym płotym
srogo ulicha siecze płaczkami
straszy ludziska chyrlawym grzmotym
autor
renia
Dodano: 2022-11-05 13:55:34
Ten wiersz przeczytano 1367 razy
Oddanych głosów: 13
Aby zagłosować zaloguj się w serwisie
Komentarze (16)
Ciekawe, że wiatr jest zawistny?
Nigdy by mi to do głowy nie przyszło,
a poza tym fajny, gwarowy wiersz.
Pozdrawiam sobotnio.