Lyki

Prziszoł Józik roz z roboty,
Jakiś chory, niy swoj.
Seblyk jakla i galoty
I lygo na szeslong.

Nic sie niy chce,
W krziżu krynci,
Ani do jedzynio
niy mo dzisiej chynci.

Baba cało wylynkano,
Niy dowo ji pokój,
Sama niy wiy co sie stało,
co dolygo chłopu?

Jo poleca do aptyki,
Spytom aptykorza,
Naszykować jaki lyki
Dlo ciebie mu koża.

Aptykorz posłuchoł
I nic ji niy pedzioł,
Jak mo pomoc jeji chłopu
On juz przeca wiedzioł.

Prziszła baba nazod
Lyki dała chłopu,
Tyju do popicio
I siadła na boku.

Niy minyła chwila,
Obloły go poty,
I naszły go wielki
Chynci na gupoty.

Przaje babie, ścisko,
I yno mo mało,
A ona sie dziwo,
Co sie chłopu stało.

W końcu uśli razym,
Do sia przitulyni,
A rano stanyli
Nowo narodzyni.

Po robocie prosto
Chłop wloz do aptyki,
Niy musi już baba
Lotać mu po lyki.

autor

stan09

Napisany: 2007-01-13 Dodano: 2007-01-14 09:38:09

Ten wiersz przeczytano 790 razy

Oddanych głosów: 4

Rodzaj Rymowany Klimat Wesoły Tematyka Życie

Aby zagłosować zaloguj się w serwisie