Musi trocha przisztopować
Dla Tych co rozumieją po śląsku
Łeb zaś mje łod rana boli
w karku sucho w pysku poli
a tu jeszcze budzik zwoni
jak by leciało sto koni
Zloty potym czoło macom
s boku na bok sie przewracom
barłog jak suchy strom trzeszczy
a tu jeszcze baba wrzeszczy
Toż żech sie zewlyg ze pryka
bo mje goni do haźlika
stowom i blikom do zdżadła
co tam widza kupa sadła
Ślypia myntne podkronżone
szkuty jakby przeżodzone
kichol jak ze pieca ruła
a na czole wielko buła
Jeszcze ta śliwa przi łoku
i srogi siniec na boku
choć żech jeszcze jest na fleku
pamiyńć wraco sie po leku
Widać w szynku haja była
ślubno do dom mje skludziła
możno jo trocha przesadzioł
i po drodze sie powadzioł
Potym niy wiym co sie stało
dostołech w łeb ..film urwało
łodtond musza sie wahować
i s wadzyniym przisztopować
Komentarze (2)
Fajny i pełen humoru
gwarowy wiersz,
bardzo lubię takie,
że zrozumieniem i przyjemnością przeczytałam,
pozdrawiam serdecznie:)
fajny, wszystko rozumiem, bo mieszkam we Chorzowie.
(chyba go baba zdzieliła na koniec)