Tam je moj dom

Tam, kaj te hołdy, wysoki taki,
Jak Himalaje wyrosły nom,
Tam, kaj te gruby, huty, fabryki,
Tam je moj dom.

Tam, kaj te lasy, tyn luft zatruty,
Tam, kaj te czorne rzyki som,
Tam, kaj te piykne som familoki,
Tam je moj dom.

Tam, kaj Ci ludzie, robotni tacy,
Jo tam rodzina swoja mom.
Tam żech urodziył sie przed laty,
Tam je moj dom.

Tam, kaj tyn jynzyk słychać znajomy,
Tam, kaj kamratow swojich mom,
Tam som rodzinne moji strony,
Tam je moj dom.

Jedne jest miejsce na świecie taki,
Choć pora innych, piyknych znom,
Jo niy zamiynia Ślonska mojigo,
Tam jest moj dom.

autor

stan09

Napisany: 2006-12-31 Dodano: 2006-12-31 17:45:35

Ten wiersz przeczytano 545 razy

Oddanych głosów: 4

Rodzaj Rymowany Klimat Obojętny Tematyka Życie

Aby zagłosować zaloguj się w serwisie