Babski comber
Posłuchejcie wszystki chopy
nasze baby świynto majom
ledwie stanyły ze łożek
a już szranki łotwiyrajom
Kopiom we szmatach jak te kury
kiecki klajdy wyciepujom
przimierzjom łoblykajom
i na fajer sie szykujom
A my chopy nieboroki
co robić dzisiej bydymy
jakiś geszynk jakiś kwiotek
tyn roz kupić im mogymy
Somsiod pado non to po co
co niy mieści mi sie w pale
przeca nasza chopsko duma
nie uciyrpi na tym wcale
No i jeszcze wom dopowiym
nom zawodzać to niy bydzie
jak we fajer jedna z drugom
tak kajś po połnocy przidzie
Za to potym bez rok cołki
bydom na klachach godały
za jakich to dobrych chopow
łone baby sie wydały
Komentarze (6)
Ładny wierszyk "złonaczyłaś"
Reniu, doceniam Twój humor, udał Ci się gwarowy
wierszyk. ( w pierwszym wersie czwartej zwrotki
"nom") Pozdrawiam :)
Reniu...posłuchałem....ale dałaś chopom po
garach.....hohoho...pozdrawiam...
Witaj Renia, ale macie dzisiaj labę, po
północy można wracać. do chaty cicho się skradać, byle
móc klamkę namacać.
Powodzenia, miłego wieczoru.
Piknie ci się pojechalo na to babskie swięto, dobrze
chopom powiedziałas niech kazdy pamieto.
fojno jest...a kwiotek weź