Te czasy
Te czasy, ach te czasy,
kerych my doczekali,
kożdy szuko sztyjc kasy
i goni: dali, dali.
Te czasy, ach te czasy,
siyła sie yno liczy,
a kery niy mo kasy,
tyn jest sam dzisiej niczym.
Te czasy, ach te czasy,
dokoła widać biyda,
toż kery niy mo kasy,
pod mostym musi lygać.
Te czasy, ach te czasy,
som taki dziwne jakiś,
jak prozno we briftaszy,
niy możesz sie tyż napić.
Te czasy, ach te czasy,
czyś mondry je, czy gupi,
jak mosz za tela kasy,
wszystko se możesz kupić.
Te czasy, ach te czasy,
człowiek sie musi tropić,
co by go, skuli kasy,
kto w łyżce nie utopiył.
Te czasy, ach te czasy,
som taki dziwne troszka,
bo ludzie se z tyj kasy
zrobiyli sami bożka.
Te czasy, ach te czasy,
dokond to dali podzie,
jak dlugo kole kasy,
bydom tak lotać ludzie?
Komentarze (1)
Nie trzeba topić się we własnym wnętrzu lub rozpraszać
w zmysłach, ale - chodząc po ziemi - trzeba trzymać
głowę w niebie, dopóki nie przeniesiemy się tam
całkowicie.