Tako se tam godka
wiersz w gwarze śląskiej
Nosiła je matuś pod swojiom sercym
s wielkom uciechom czekajonc kwili
na te co tera jeszcze w ni były
a potym bydom żyć w familiji
Tukej pod sercym było jim dobrze
ale i to sie kiejś skończyć musi
choć blisko prziszłość je tajymnicom
to nowe pszeca nynci i kusi
Toż pado bajtlik do swego brata
skoro już momy w kupie sie chować
możno my tukej som yno po to
żeby na prziszłoś sie naszykować
Braciszek mu na to -co to za prziszłoś
tam trza sie starać ło konsek chleba
tu momy ciepło tam ponoć zima
a tu do życio nic niy potrzeba
Tu momy cicho chocioż ciut ciasno
tam ponoć butel aż puchnom łuszy
choć byś mi złote gory łobiecoł
mje s tego miejsca żodyn nie ruszy
Hola braciszku yno do czasu
przeca niedłogo stond odyndymy
już ci Ponboczek zadboł nom ło to
że swoja mama tyż mieć muszymy
-Skon wiysz braciszku ło jakiś mamie
możno na świecie bydymy sami
-Nie wiym miarkuja że tak być musi
kej łona tam czeko żeby być s nami
Widać że umi pszoć nom i ludziom
i jak trza bydzie mondrze łochronić
ponoć som Stworca doł ji ta siła
by swoji bajtle mogła łobronić
Komentarze (4)
Z podobaniem wiersza,
pozdrawiam serdecznie:)
U mamy najlepiej.
Marzy mi się wiersz ze słowem łonaczyć, ale sama nie
potrafię. Może spróbujesz?
Bardzo fajny gwarowy wiersz.
"Nie ma jak u mamy", a najbezpieczniej w brzuchu.
Miłej niedzieli Reniu:)
Gwarowy wiersz, który dobitnie ukazuje zmiany w
czasie, nieuchronność nowych wyzwań, a jednocześnie
podkreśla silną więź rodziną i tradycję.
(+)