…(NIY)PIYRSZE ZOLYTY…

Synek kaj ty sie tak sztiglujesz
Hymda, galoty biglujesz
Coż tak lotosz jak propeller
Mamulko, jo niy lubia jak mom kaś feler

Z wyzgiernom dziołchom sie umowiłech
Na zolyty jom zaprosiyłech
Niy czekej, niyskoro byda
Wiysz, że du dom dycki przida

Yno ta pierońsko friyzura moja
Przeca już godzina przed zdrzadłem stoja
Fertik…yno strzewiki i wyłaża
Gibko, gibko po słodkach słaża

Ugodej sie tu z kobietom
Jo jes ciyrpliwy…dwadzieścia minut czekom
Leci…czorne kudły lukate, w dudlik zawijo
Rychtik to je łona…taszkom wywijo

Do kafyjki my wleźli po mostku
Łobsztelowołech kafyj i po ciostku
Nagodali my sie tela
Lepij poznołech ta gryfno frela

Prziyszła pora pożegnania
Myśla se mozno kusika dostana
Ślypia zawiyrom
Ku niyj sie nachylom

Czuja sie bosko
Jak jynzykiem piyknie głosko
Ale cosik tukej niy pasuje
Łona za fest mie oblizuje

Dyć jo leża w prykolu…mie sie to śniło
To pies mie muldo, bo go morzisko chyciyło!!!

propeller - dawn. śmigło

autor

cubus

Dodano: 2006-11-18 00:37:10

Ten wiersz przeczytano 971 razy

Oddanych głosów: 22

Rodzaj Rymowany Klimat Radosny Tematyka Życie

Aby zagłosować zaloguj się w serwisie