Jest taki miejsce
Jest taki miejsce na ziymi,
od innych miejsc fajniejsze,
tu wszystko sie zielyni
i dziołszki som szwarniejsze.
Tu ptoki lepszy śpiywajom
i słonko bardzij grzeje,
gwiozdki fajnie mrugajom
i ksiynżyc do nas sie śmieje.
Jest taki miejsce na ziyni,
kaj wszystko jest na okrongło,
jak autym my jadymy,
co chwila momy rondo.
Na kole rowno idzie szusować
bo narobili fajne ścieżki,
a kto chce, może poszpacyrować,
my tyż już sporo przeszli.
Na rynku som same kwiotka,
idzie sie wybrać na szpacyr,
ze kamratami sie spotkać
i piwa jakigo sie napić.
Jest taki miejsce na ziymi,
mo hołdy zamiast gor
i samolotym nad nimi
idzie polecieć do chmur.
Morza tyż tu niyma ,
chocioż jest wielko woda
i ciepło jest ona w zima,
chcecie, to wom pokoża.
Jest taki miejsce na świecie,
fajniejsze od innych miast,
lepszego niy znojdziecie,
jo tu zaproszom Was.
Chyba teraz już wiycie,
kere to z polskich miast,
nojlepsze jest na świecie,
to Rybnik kochany nasz
Komentarze (0)
Jeszcze nie skomentowano tego wiersza.