Kedyś a teraz
Kedyś sie chowało
kozy we chlywikach,
teraz trzimiom w doma
szczura i chomika.
Kedyś psy szczekały
normalnie, przi budzie,
a teraz miyszkajom
we blokach, jak ludzie.
Kedyś my chodziyli
piechty do kościoła,
teraz som parkingi
pełne i przi szkołach.
Kedyś sie za balym
lotało na dworze,
teraz sie gro fuzbal
myszkom w monitorze.
Kedyś przed laubami
somsiadki klachały,
teraz gadu-gadu
i czaty nastały.
Kedyś sie w niedziela
siedziało do kupy,
teraz niy ma czasu -
trza iś na zakupy.
Kedyś sie zygarek
w kumonio dostalo,
a teraz komputer
już, bezmała, mało.
Kedyś, tak godajom,
było sam tak piyknie,
a teraz, se myśla,
pisanio już styknie.
Komentarze (4)
wszyćko mi to jedno cy wtoś sie łobrazi
fajnie ci to w bojkach z rymami wyłazi,-
prowda ło życiu fajnie napisołeś, bo napewno w szkole
bardzo uważołeś. GC
hehhee no po prosu az mi sie humor poprawił dziekuje
Ci
Dobra perspektywa pisania tego co do głowy
przychodzi.. ;]
dlatego plusik dla Pana i zapraSZam do Siebie :)
mądre spostrzerzenia - przyjemna forma, ciekawe