Kurzok
Starzik łokropnym byli kurzokiym
fajfka ważniejszo niż baba była
kiej starka tego ściyrpieć niy mogła
toż sztyjc nad gowom mu lamynciła
Bo jak tubera chyci starzika
to ani dochtor mu niy pomoże
bez te kurzyni łona gupieje
a tego smrodu szczimać niy może
Toż żeby w chałupie swady niy było
przed familokiym starzik siadali
na swoji ławce kaj s kamratami
s wielkom uciechom fajfka pykali
Jak starka wylazła s chałpy na kwila
to starzikowi niy było rady
łotworzoł fortka s pieca i dmuchoł
bo przeca ni mioł łba łod parady
A ryczka była mu takim tronym
jakby Ponboczka chycioł za nogi
i choćby niy wiem co yno robioł
starka poczuli smrod aże s drogi
Chocioż padajom że fajfka zdrowszo
bezmała niy szkodzi jak cygarety
a moji starki żodyn niy przeprzoł
dlo ni niy były to żodne bzdety
Toż było larmo i kupa swady
i tu recht starce prziznać mi trzeba
bo yno bez te świński kurzyni
starzik za wartko poszoł do nieba
A tak to jo je strasznie ciekawo
czy starzik we niebie tyż kurzić może
czy i tam starka lamynci wiela
coż... jak tam donda to sie pokoże
Komentarze (4)
Ślaska gwara....kurzoki ino ci co kurzom
Szkoda zdrowia.
Fajny.
Kurzok = palący. Dowiedziałem się i zacznę tego
określenia używać w stosunku do znajomych, którzy
palą. A umiejętność posługiwania się gwarą doceniam.
(+)
uwielbiam śląską gwarę.
(mój też skrócił sobie pobyt tu na Ziemi cygaretami)