Nasze, rybnicki morze...
Nasze, rybnicki morze
od downa z tego słynie:
o kożdej roku porze
woda w nim gorko płynie.
Nasze, rybnicki morze,
co wpływo do niego Ruda,
siedzom nad nim wyndkorze
i miyszko tyż "paskuda".
W naszym, rybnickim morzu
miyszkajom fajne Utopki,
nikiedy sie pokożom
wyndkorzom czerwone czopki.
Po naszym, rybnickim morzu
popływać idzie "Aniom",
czasym sie tyż pokożom
te małe dioski za niom.
Jo tam na szpacyr chodza,
na kole jeżdża miedzom,
ale do wody niy wchodza,
bo tam Utopki siedzom.
Nojpiykni kożdego roku
je nad tym morzym w maju,
bo tam w szuwarach z boku
Strzigi sie opalajom.
Jo Wos yno ostrzegom,
niy kompcie sie w tyj wodzie
i niy siodejcie na brzegu,
nigdy po słońca zachodzie.
gorko - ciepła Utopek, Strzigi - legendarne stworzenia żyjące w wodach okolic Rybnika szpacyr - spacer miedza - tu: ścieżka rowerowa
Komentarze (0)
Jeszcze nie skomentowano tego wiersza.