Szkolne Dzieciństwo
Jak jo chodźoł do szkoły
boły tys tam rechtory,
boły belfry, chopcy, frelki
I jo tys boł-gamoń wielki.
Śpiywać nigdy żech niy umioł
bo słoń nadep mi na ucho,
spulać byś sie mog ze smiechu
jakbyś trocha mie posuchoł.
Boł tys belfer łod muzyki
łazioł i dokładnie suchoł,
jakś fałszuwoł jak sierota
waloł smyckym w guche ucho!
Dziołchy miały fajne kragle
na drucikach hekluwane,
zawsze cyste i bieluśke
bo na kneflach przypinane.
Biza miołech na galotach
gorol „kancik” jon nazywoł,
ważny bołech jak sztajfiera
boch frajera na wsi zgrywoł.
W tasi miołech zawsze wyndka
bo co na wagarach robić,
Na „zuroku” i
„cegielni”
chciołech coś na glizda złowić,
Fusbal grali my na straży
w trampkach abo po bosoku,
trzeba boło je szanuwać
bo je ros dostołeś w roku.
Fusbal z skory, taki z blazom
mioł na straży ino Acik
nawet Lyjo niem nie zagroł
choć to boł rodzony bracik.
Dugo mog bych tu łosprawiać
i pociskać ludziom fleki
ale tinty jus brakuje
wiąc jak skońca bydzie lepi
Komentarze (5)
I znow my u siebie,,,wychowalam sie
w Tarnowskich Gorach i na Slasku Opolskim,,,,znalam
dobrze to kiedys,,,
i badzo cieplo wspominam..pozdrawiam.
Szkoda, że skończyłeś. Mam nadzieję, że jutro też nasz
ubawisz. Czekam. Bardzo ale to bardzo humorystycznie
to wszystko przedstawiłeś.
ja sobie musiałam na głos przeczytać żeby łatwiej
zrozumieć, bo co do gwary (jakiejkolwiek) jestem
niestety ignorant. Ale wiersz mi się niesamowicie
spodobał :)
gwara przednia i piękny wiersz, nawet zrozumiałam,
pozdrawiam Cię
fajne to Twoje dzieciństwo i piykno gwara...