Bo trza umieć sie pokozać-...

Refleksje po Sylwestrze


Mój somsiad ze naprzeciwka
zrobioł se bal sylwestrowy,
zaprosioł swojich kamratow
no i piykne ich połowy

Somsiad człowiek kulturalny
nowy ancug se zakłodo,
tyn stary mole pogryzły
i łoblyc go nie wypado.

Baba jego tyż ni gorszo,
chocioż troszka sie gańbiła,
specjalnie aż z Paryża
nowy klajd se zamowiła.

Bo trza umieć sie pokozać,
kupić ślubnej modne szmatki
wyciongnoć piyniądze z kapsy
na gorzołka i na kwiotki

Mje na bal żodyn nie prosioł,
ale wiym to z doświadczynio,
po tym balu kac ich zeżre
no i dłogi do spłacynio.

autor

renia

Napisany: 2017-01-01 Dodano: 2017-01-01 11:32:51

Ten wiersz przeczytano 647 razy

Oddanych głosów: 4

Rodzaj Rymowany Klimat Wesoły Tematyka Społeczeństwo

Aby zagłosować zaloguj się w serwisie