Bojka o Czerwonym Kapturku
Wiersz Jana Brzechwy, przerobiony "po naszymu":
Leć nom, leć, bojeczko. Było tymu tak:
niydaleczko,
kajś tykej, nad rzeczkom, miyszkała wdowa z
cereczkom.
Dziołszka, choć mało była, mamie
pomogała,
delowka umyła i grzondki poglywała.
Chrust zbiyrała czasym, bo miyszkały pod
lasym.
Nosiła ziorka do kurek. Godali na nia -
Czerwony Kapturek.
Widziało sie jom czasym, jak chodziła pod
lasym,
abo przed laubom, przi murku - dycko w
czerwonym Kapturku.
Tak sie ona nazywała, w niebo czynsto
zaglondała,
w modre niebo, tam, kaj draki furgały kole
chmurek,
teraz wiycie kto to taki, Czerony
Kapturek.
Czerwony Kapturek:
"Niy Mruczek, niy Burek, niy jyż, ani
ptok,
Czerwony Kapturek, to je przeca jo.
Mom warkoczyk, modre oczy,
gymba mom jak mak. Niy Mruczek, niy
Burek,
Niy jyż, ani ptok.Czerwony Kapturek.
To je przeca jo.W tym domie, przi
stromie,
je moj cały świat.Grzeczno żech ogromnie,
a mom siedym lot.Niy mom kłopotów,
mom sztyrech kotow, przaja im, a jak.
Poleca na gorka, kaj je stromow sto,
znocie wy Kapturka? To je przeca jo".
Tam niedaleko, w lesie, tak możno z
kilometer,
miyszkała starka Czerwonego Kapturka.
Zbiyrała ona zioła, co rosły wszyndy
dokoła.
Miała ona w doma dziyncioła i jyża i
wiywiorka,
i one dycko czekały na Czerwonego
Kapturka
Jednego dnia, z rana, pado Kapturkowi
mama:
"Był u mie feszter wczora i padoł, że
starka jest choro.
Trzeba lecieć do aptyki, zaniyś starce jaki
lyki.
Jo sie niy moga z domu ruszyć, bo musza ci
klajd uszyć,
musza chodzić do chlywa, prosiynta
poodbywać.
Krowa musza wydoić i nakisić ogorkow,
polecisz do starki swojij, ty, Czerwony
Kapturku.
Mosz w koszyku masło, mlyko i do tego
trocha lykow,
mosz trocha aspiryny i suszone maliny,
jest tam trocha syropu i flaszka do wody
soku.
Idż i nie troć czasu, leć prosto do starki,
do lasu.
Idź wartko i ostrożnie, bo tam miyszko wilk
groźny,
idż tak, jak leci miedzka, bo on czycho na
dziecka.
Pamiyntej, co ci godom.
(...)
Jest to początek bajki, bo jest ona dosyć długa. Zainteresowanych dalszą częścią prosze o kontakt osobisty na maila
Komentarze (0)
Jeszcze nie skomentowano tego wiersza.