Dwa kolory
Stary wierszyk w nowej, zmienionej wersji
Trefiyły sie dwa kolory:
jedyn czerwony, a drugi bioły.
Czerwony pado: coś ty zjod,
żeś od tego całkiym zblod?
Tyn mu na to: jo je bioły,
bo nie pija jo gorzoły,
pija dziynnie yno mlyko,
bo na wiyncy mie nie styko.
Czerwony mu na to paple
(a jynzyk mu sie fest matle):
jo obala dziynnie halba
i beztoż mom tako farba.
Bioły na to: o moj Boże,
co ty widzisz w tym kolorze?
Wola być bioły po mlyku,
niż bez przerwy być na cyku.
A wy, kerzy to czytocie,
jaki kolor wybiyrocie ?
Jo sie cołki czas tu miynia:
co wybieleja, to sie czerwiynia.
Komentarze (0)
Jeszcze nie skomentowano tego wiersza.