Godej do mie

Godej do mie Ojcze, zimnym płatkiym śniegu,
W lato barwom tynczy, stadym koni w biegu,
Lotym szmanterloka, grziwom morskiej piany,
Biołymi szczytami co widza w oddali.

Dej mi poznać Ojcze, czy właściwo droga,
Ciyrpiyń dej niy wiyncyj, niźli uniyść moga,
Postof na gościńcu mondrych ludzi poru,
By pomogli czasym dokonać wyboru.

Pozwól abym ciyngiym, chwolił Twoje imie,
Widzioł Cie we kwiotkach, i we mroźnej zimie.
Abych czuł na ziymi, tchniynie Boże czasym,
Możesz mi pogrozić, huknonć gromkim basym.

Kiedy jednak przidzie ostatnio godzina,
Przijmij mie do domu, jako Swego syna,
Przigarnij ku Sobie już na tamtym świecie,
Niy bydź zbyt surowy, przecam Twoje dziecię.

autor

Krzyk

Dodano: 2006-08-15 13:34:10

Ten wiersz przeczytano 743 razy

Oddanych głosów: 12

Rodzaj Rymowany Klimat Ciepły Tematyka Wiara

Aby zagłosować zaloguj się w serwisie