Jak jo se siedna

Jak jo se siedna pod płotym,
w mojij zegrodce, we wieczor,
z daleka słychać koty,
nadymnom ptoki lecom.

Jo kochom ta prziroda,
słuchom, jak żaby kumkajom,
w źrodełku szumi woda
i świyrszcze na skrzidłach grajom.

Jak jo se chca odpocznyć,
siodom pod wielko brzoza,
tam zamykom se oczy
i swoji wiersze tworza.

Prziroda mi sił dodowo,
jak słuchom te odgłosy,
tak fajnie wonio, zdrowo,
i złocom sie rży kłosy.

Fajnie je na wsi latym,
wszystko tak fajnie wonio
kwiotkami, trowom, lasym.
Dziecka po łonce sie goniom.

Zrobia se dzisiej ognisko,
upieka na ogniu wusztu,
obejrza se gwiazdki, wszystko
i usna szczynśliwy w łożku.

autor

stan09

Napisany: 2006-08-07 Dodano: 2006-08-07 10:01:07

Ten wiersz przeczytano 537 razy

Oddanych głosów: 4

Rodzaj Rymowany Klimat Optymistyczny Tematyka Życie

Aby zagłosować zaloguj się w serwisie