Koło

Jedzie chłop na kole,
zrobić rajza mało,
co by we stodole
koło niy ruściało.

Mijo łonki, lasy,
rowno byndaluje,
i przi tym se czasym
tyż tak prziśpiywuje:

Jada se na kole,
pot mi z czoła spływo,
toż wleza do szynku,
wypija se piwo.

Jedzie se chłop drogom,
pola, łonki mijo,
dyć niy twało długo,
a tu Policyjo.

Wiycie, panie władzo
- próbuje tłumaczyć -
jo sie na tym kole
pojechoł na szpacyr,

Ależ nie ma sprawy -
tyn odpedzioł mile.
I mu do zabawy
wykrynciył wyntile.


Tak chłop maszerowoł
se du dom po leku
i przeszpacyrowol
siedym kilometrow.


Za tydziyń pojechoł
zaś chłop na tym kole,
co by niy ruściało
one we stodole.

Ciongnie go na piwo,
choć mo na ni smaka,
szynk z daleka mijo,
nuci śpiywka tako:

Jada se po leku,
pykom se na kole,
toż wleza do sklepu,
wypić coca-cole.

koło - rower

autor

stan09

Napisany: 2007-10-06 Dodano: 2007-10-06 15:27:16

Ten wiersz przeczytano 1107 razy

Oddanych głosów: 3

Rodzaj Rymowany Klimat Wesoły Tematyka Życie

Aby zagłosować zaloguj się w serwisie