Lampka pamiynci
Tam na gorce, za kościołym,
kaj szumiom cicho stromy,
chodzymy dycko ze świyczkom,
tam ojcow naszych momy.
Tam ptoki cicho śpiywajom
i czas pomału płynie,
tam idzie porzykac w skupiyniu,
nos tyż to kedyś nie minie.
Przistoń chocioż na chwila,
jak idziesz po kerchowie
i widzisz krziż pochylony
i mlycze rosnom na grobie.
Jak widzisz grob opuszczony,
pomyśl wtedy o sobie,
czy ktoś świyczka zapoli,
po latach na twoim grobie.
Czy na to zasługujesz,
przez całe swoji życi,
że jak cie już nie bydzie,
to ktoś ci znicz zaświyci...
Komentarze (0)
Jeszcze nie skomentowano tego wiersza.