Łodpust

Blank niydowno było cicho,
Jeszcze rano puste pole,
Po połedniu gro muzyka,
Przijechały karasole.

Świat sie zrobiył kolorowy,
Juz sie krynci keciok wielki,
Chopcy stojom przi szisbudzie,
Śmiejom sie i piszczom frelki.

Starsze dzieci na huśtofce,
Brzdonce rade na koniku,
Kup im wata, oranżada,
Pusto robi sie w bajtliku.

Uszczel jeszcze po lizoku,
Łogorek kup małosolny,
Wieczor smak na makarony,
I łod forsy bydziesz wolny.

Gzujom gibke samochody,
Ludzi gynste tłumy walom,
Już my wszystko zaliczyli,
Momy trombka, momy balon.

Chopcy tukej piozolycom,
Zawrot gowy, blichtr i wrzawa,
Jutro juzaś bydzie spokoj,
Łostanie zdeptano trawa.

Niy zawsze życie wesołe,
Karasole... to rzecz gustu,
Musisz dugi rok wytrzimać,
Na radosny dziyń łodpustu.

autor

Krzyk

Dodano: 2006-09-30 15:03:34

Ten wiersz przeczytano 734 razy

Oddanych głosów: 11

Rodzaj Rymowany Klimat Radosny Tematyka Życie

Aby zagłosować zaloguj się w serwisie