Śniyg na Ślonsku

czyli biołe sadze

A na Ślonsku śnieżyk leci,
Sypie sie z nieba od rana,
Toż sie fest radujom dzieci,
Że bydom lepić bałwana.

A na Ślonsku dzisiej bioło,
Choćby rozpruł kto pierzina,
Wszyndzi czysto, naokoło,
Nasuło i do kumina.

Toż sie sadze wylynkały:
Coż to z nami teraz bydzie?
Kumin bydzie bioły cały?
Bioły kurz bydymy widzieć?

Dyć, co wy sie tak starocie?
Jak prziłoży kto do pieca,
Obejrzicie czym dychocie -
Ślonsk zaś bydzie czorny, przeca.

autor

stan09

Napisany: 2007-11-11 Dodano: 2007-11-11 14:25:23

Ten wiersz przeczytano 521 razy

Oddanych głosów: 5

Rodzaj Rymowany Klimat Obojętny Tematyka Życie

Aby zagłosować zaloguj się w serwisie