Ta moja Grabowina

Dzisiaj o wspomniena z lat dzieciństwa ...

Ta moja Grabowina,
tam na Podlesiu , w Radzijowie,
pisać bych mog godzina,
napisać cało powieść.

Te nasze pola, te pioski
i tyn las, ta Waldwiza,
tyn nasz zakontek wioski,
jo co noc, we śnie, widza.

Niy ma już Grabowiny
z lot, kedy jo był młody,
zostały yno ruiny,
bez te pieroński szkody.

Domy nom popynkały,
pola zarosły chaszczami,
spomniynia yno zostały
i my ze spomniyniami.

Kedyś jo jeździył na kole
i stare dzieje spominoł,
te lasy, łonki i pole,
co jo po drodze mijoł.

Teraz już jeżdża myni,
wola obejrzeć se zdjyncia,
one przinoszom spomniyni,
o Grabowinie z dzieciństwa.

autor

stan09

Napisany: 2006-07-29 Dodano: 2006-07-31 09:36:08

Ten wiersz przeczytano 619 razy

Oddanych głosów: 3

Rodzaj Rymowany Klimat Obojętny Tematyka Życie

Aby zagłosować zaloguj się w serwisie